ඊයේ එනම් 26 වෙනිදා කල්කටා නයිට් රයිඩර්ස් කණ්ඩායම සහ රාජස්තාන් රෝයල්ස් කණ්ඩායම අතර පැවති තරගයෙන් කඩුළු අටක පහසු ජයක් ලබා ගැනීමට කල්කටා නයිට් රයිඩර්ස් කණ්ඩායම සමත් වුනා.
කල්කටා නයිට් රයිඩර්ස් කණ්ඩායමේ ප්‍රධානතම ක්‍රීඩකයා ලෙස සැලකුණු සුනිල් නරිනේ, අසනීප තත්වයක් නිසා තරගයට සහභාගී නොවුණ නමුත් නරාන්, වෙනුවට ක්‍රීඩා කල මොඊන් අලී සහ වරුන් චක්‍රවර්ති තමන්ගේ කණ්ඩායමට අගනා සහයෝගයක් ලබා දෙමින් රාජස්ථාන් රෝයල්ස් කණ්ඩායම ඉහළ ලකූනු සංඛයාවක් වෙත ගමන් කිරීම වලක්වාලීමට කටයුතු කලා. ඔවුන් දෙදෙනාගේ අති දක්ෂ පන්දු යැවීම හමුවේ පන්දු වාර අටකදී ලකුණු 40 ක් පමණක් ලබා දෙමින් කඩුළු හතරක් දවා ගැනීමට ඔවුන් සමත් වුනා. මේ සුසංයෝගය ඊයේ දිනයේදී පිටිය තුල කොතරම් හොදින් ක්‍රීඩා කලේද යත් ඔවුන්ට ඇන්ඩෲ රසල්ගේ සේවය ලබා ගැනීමට අවශ්‍ය වූයේ නැහැ.
රාජස්තාන් රෝයල්ස් කණ්ඩායමේ නායක, රිවාන් පරාග් පළමු පන්දු කිහිපය තුලදීම හයේ පහර දෙකක් ලබා ගත් නමුත් ඒ සමගින්ම වරුන් චක්‍රවර්තීගේ පන්දුවකට මුහුන දුන් ඔහු ලකුණු 22 කට දැවී ගියා. පන්දු යැවීමේදීත් ඔහු ඕවර හතරකදී ලකුණු 25 කට මෝඊන් ගේ කඩුල්ල දවා ගත් නමුත් ජයග්‍රහණය වෙත යෑමට එය ප්‍රමාණවත් වුනේ නැහැ.
සුනිල් නරාන්ගේ ස්ථානයේ ක්‍රීඩා කල මොඊන්, ආරම්භක පිතිකරුවෙක් ලෙස පිටියට පැමිණි යශෂ්වි ජයිස්වාල් ලකුණු 29 කට දවා ගනිමින් තරගයේ ජයග්‍රහණය වෙනුවෙන් සුවිශේෂි මෙහෙයක් ඉටු කලා. රාජෂ්ථාන් රෝයල්ස් කණ්ඩායම අංක පහ ක්‍රීඩකයා ලෙස වනිදු හසරංග ස්ථානගත කල නමුත් වනිදුට ලබා ගත හැකි වුනේ ලකුනු හතරක් පමණයි.
රාජස්ථාන් රෝයල්ස් කණ්ඩායම ලකුණු 67 කට කඩුළු එකක් පමණක් ලබා ගෙන ශක්තිමත් ආරම්භයක් ලබාගෙන සිටියත් මොඊන් සහ වරුන්ගේ විශිෂ්ඨ පන්දු යැවීම හමුවේ ලකුණු පුවරුව ලකුණු 82 කට කඩුළු පහක් දක්වා පහල වැටුණා.
දෙවන ඉනිමේදී මොඊන් පන්දු 12 කට ලකුණු 5 ක් ලබාගෙන දැවී ගියත් ඉන්පසුව තරගයේ බර තමන්ගේ කරට ගත් ක්වින්ටන් ද කොක්, පන්දු 61 කදි ලකුණු 97 ක් ලබාගෙන කල්කටා නයිට් රයිඩර්ස් කණ්ඩායම පහසු ජයග්‍රහණයක් වෙත රැගෙන ගියා. පන්දුවට පහර දීම ආරම්භ කල මොහොතේ පටන්ම ආක්‍රමණශීලී ආරම්භයක් ලබා ගත් ඔහු පලමු ඕවර හය තුලදී වැඩි ලකූනු සංඛයාවක් රැස් කල ගත්තා. කණ්ඩායමේ එක් කඩුල්ලක් දැවී ගිය පසුබිමක වූවත් තරුණ ක්‍රීඩකයෙක් වෙන අන්ග්‍රික්ෂ් රඝුවන්ෂි සමග ඉතා හොද සම්බන්ධතාවයක් පවත්වාගෙන යමින් ලකුණු 83 ක ඉනිමක් ගොඩ නගා ගැනීමට ඔහු සමත් වුනා. කොක්, පන්දු 36 කදී තමන්ගේ අර්ධ ශතකය ලබා ගත් අතර ත්ව දුරටත් පන්දුවට පහර දීමට අවස්ථාවක් තිබුනේ නම් ඔහු අනිවාර්යෙන්ම ශතකයක් රැස් කිරිමට නියමිතව තිබූනා.
රාජස්ථාන් රෝයල්ස් කණ්ඩායම කඩුළු නවයක් දැවී ලබා ගත් ලකුණු 151 සැලකෙන්නේ අයි පී එල් තරග ඉතිසාහයේ ඔවුන් ලබා ගත් අඩුම ලකුණු සංඛයාව ලෙසයි.
