පකිස්ථානය සහ නවසීලන්තය අතර පැවති තරගාවලිය ජයග්‍රහණයෙන්ම ආරම්භ කල නවසීලන්තය එය ජයග්‍රහණයකින්ම අවසාන කරන්නට ඊයේ දිනයේදී සමත් වුනා. ඉතා අගනා ඉනිමක් ක්‍රීඩා කල Tim Seifert පන්දු 38 කදී ලකුණු 97 ක් රැස් කර ගත් අතර ඔහුගේ මෙම ආවේගශීලී පිතිකරණය, පකිස්තාන කණ්ඩායම රැස් කල ලකුණු 128, ඕවර් 10 ක් තුලදී හඹා යාම තව දුරටත් පහසු කලා. එමෙන්ම ජේම්ස් නීෂාම් ගේ විශිෂ්ඨ පන්දු යැවීම හමුවේ පකිස්තාන කණ්ඩායමේ කඩුළු පහක් බිද වැටීමත් බොහො දෙනෙකුගේ අවධානයට ලක් වුනා.
කාසියේ වාසිය දිනා ගැනීමත් ස්මගම පලමුවෙන්ම පන්දු යැවීම තෝරාගත් නවසීලන්ත කන්ඩාමයමේ පන්දු යවන්නන් වූ Will O’Rourke සහ Jacob Duffy ඉතා හොදින් පන්දු යවමින් පකිස්තාන පිතිකරුවන්ට ප්‍රබල අභියෝගයක් ලබා දුන්නා. පවර්ප්ලේ ඕවර් හය තුලදී පකිස්තාන කණ්ඩායමේ ප්‍රබල පිතිකරුවෙක් වූ හසාන් නවාස්, ලකුණු නොලබා දැවී ගිය අතර ඔහු සමගම තවත් කඩුළු දෙකක්ද බිදී ගියා. හසාන් නවාස් මෙම තරගාවලිය තුල ලකුණු නොලබා දැවී ගිය තුන් වෙනි අවස්තාවයි මේ.
පක්ස්ථාන කණ්ඩායමේ කඩුළු පහක් ලකුණු 52 ක් තුල දැවී ගොස් තිබූ පසුබිමක නායක සල්මාන් අඝා, ලකුණු රැස් කිරීමේ දැඩි උත්සාහයක නිරත වූ අතර ඔහු ෂදාබ් ඛාන් සමග එකතු වී පන්දු 35 ක් තුල ලකුනු 54 ක් රැස් කරමින් නැවතත් පකිස්තාන කණ්ඩායම තරගයට අවතිර්ණ කර ගැනීමට කටයුතු කලා. නමුත් ෂදාබ් ඛාන් දැවී යාමත් සමගින් පකිස්ථාන ඉනිම දිගින් දිගටම බිදී යන්නට පටන් ගත් අතර කෙසේ හෝ අඝා අර්ධ ශතකයක් රැස් කිරීමට සමත් වුනා. ඉන්පසුව ක්‍රියාත්මක වූ නීෂාම්, ඉතිරි විකට් හතරම අවසන් ඕවර හතර තුලදී ලබා ගත් අතර පක්ස්තාන ඉනිම සටහන් වුනේ විකට් නවයක් දැවී ලකුණු 128 ක් ලෙසයි.
ඉන්පසුව පන්දුවට පහර දීමට පිටියට පැමිණි Tim Seifert, ආවෙගශීලී ආරම්භයක් ලබා ගත් අතර නොදැවී ලකුණු 97 ක් ලබ ගනිමින් ඕවර 10ක් ඇතුලතදී විකට් අටක් අතැතිව තරගය ජයග්‍රහණය කිරීමට විශාල සහයෝගයක් ලබා දුන්නා.
