සන් රයිසස් හයිද්‍රාබාද් කණ්ඩායම පසු බසී. ලක්නව් සුපර් ජයන්ට්ස් කණ්ඩායමට පහසු ජයක්.

ලක්නව් සුපර් ජයන්ට්ස් කණ්ඩායම (LSG) සහ සන් රයිසස් හයිද්‍රාබාද් (SRH)කණ්ඩායම අතර පැවති තරගයෙන් ලකුණු 191 ක ඉලක්කයක් පසුපස හඹා ගොස් කඩුලු පහක් අතැතිව තරගය ජය ගැනීමට ලක්නව් සුපර් ජයන්ට්ස් කණ්ඩායම සමත් වුනා.  මෙම තරගයේදී කැපී පෙනෙන දක්ෂතා බවට පත් වුනේ නිකොලස් පූරන් පන්දු 26 කදී ලබා ගත් ලකුණු 70 සහ මිචෙල් මාර්ෂ් පන්දු 29 ක් තුලදි ලබා ගත් ලකුණු 50 යි. එමෙන්ම ශර්දුල් තාකූර් විසින් පන්දු 34 කදි ලබා ගත් කඩුළු හතර සන් රයිසස් හයිද්‍රාබාද් කණ්ඩායම කඩුළු නවයකදි ලකුණු 190 කට සීමා කරන්නට ප්‍රබල හේතුවක් වුනා.

ශර්දුල් තාකූර් තුන්වෙනි ඕවරය තුලදී පන්දු දෙකක් තුල විකට් දෙකක් දවා ගැනීමට සමත් වුනා. අභිශේෂ් ශර්මා පන්දු හයකට මුහුණ දී ලකුණු හයක් ලබා සිටි පසුබිමක දැවී ගිය අතර ඊලග පන්දුවේදීම ඉෂාන් කිෂාන්ද දැවී ගියා.

මෙම විකට් දෙක බිදී යාමෙන් පසුව පිටියට පිවිසි ට්‍රැවිස් හෙඩ්, අවෙෂ් ඛාන් ගේ පන්දු වලට සාර්ථකව මුහුණ දෙමින් ඕවරයක් තුලදී හයේ පහර දෙකක් සහ හතරේ පහරක් එල්ල කිරීමට සමත් වුනා. එමෙන්ම ට්‍රැව්ස් හෙඩ් ලබා දුන් පහසු උඩ පන්දුවක්ද නිකොලස් පූරන් අතින් ගිලිහී යාම නිසා තව දුරටත් කඩුල්ලේ රැදී සිටීමට ට්‍රැවිස් හෙඩ්ට හැකි වුනා. ආක්‍රමණශීලී ලෙස පිතිකර්ණ ඉනිම ගොඩ නගමින් සිටි ට්‍රැවිස් හෙඩ් පන්දු 28 ක් තුල ලකුණු 47 ක් ලබා සිටියදි ප්‍රින්ස් යාදෙව් ගේ පන්දුවක් හමුවේ දැවී ගිය අතර ඒ වන විට සන් රයිසස් හයිද්‍රාබාද් කණ්ඩායමේ ලකුණු පුවරුව සටහන් වී තිබුණේ ලකුණු 96 කට පන්දු 3 ක් ලෙසයි. ඉන්පසුව පිටියට පැමිණි නිතිෂ් කුමාර් රෙඩ්ඩි පන්දු 28 කදී ලකුණු 32 ක් ලබා ගත් අතර Heinrich Klaasen පන්දු 17 කදී ලකුණු 26 ක් ලබා ගත්තා. නමුත් Heinrich Klaasen ගේ අනපේක්ෂිත දැවී යාමත් සමග ඔවුන්ගේ ලකුණු පුවරුව සටටන් වුනේ ඕවර 16.2 ක් අවසානයේ කඩුළු හතක් බිද වැටී ලකුණු 156 ක් ලෙසයි.

කෙසේ හෝ ඉනිම අවසානයේ අන්කිත් වර්මා අවශ්‍යම මොහොතේ කෙටි සහ ප්‍රබල ඉනිමක් ක්‍රීඩා කල අතර හයේ පහර 5 ක් එල්ල කරමින් පන්දු 13 කදි ලකුණු 36 ක් ලබා ගැනීමට ඔහු සමත් වුනා.  එමෙන්ම පැට් කමින්ස් ආවේගශීලී ලෙස ක්‍රීඩා කරමින් හයේ පහර තුනක් ඇතුළුව පන්දු හතරකදී ලකුණු 18 ක් ලබා ගැනීම කැපී පෙනුණා. කෙසේ වෙතත් වහාම ක්‍රියාත්මක වුණු ලක්නව් සුපර් ජයන්ට්ස් කණ්ඩායම අවසන් ඕවර කිහිපය මැනවින් පාලනය කරමින් අවසාන ඕවර දෙක තුලදි පන්දු යැවූ අතර ඔවුන් එම ඕවර දෙක පුරාම ලබා දුන්නේ ලකුණු 10 ක් පමණයි. කැපී පෙනෙන පන්දු යැවීමක නිරත වූ ශර්දුල් තාකූර් පන්දු 34 කදී කඩුළු හතරක් ලබා ගත්තා.

ඉන්පසුව පිටියට පිවිසී ලක්නව් සුපර් ජයන්ට්ස් කණ්ඩායමේ නිකොලස් පූරන් වේගවත් ආරම්භයක් ලබා ගනිමින් සිමර්ජීත් සින්හ්ගේ පන්දු වලට හයේ පහර දෙකක් සහ හතරේ පහරක් එල්ල කල අතර මොහොමඩ් ශම්මිගේ පන්දුවලටත් පහර එල්ල කරන්නට පටන් ගත්තා. පූරන් සමග එකතු වූ මිචෙල් මාර්ෂ්ද හයේ පහර දෙකක් එල්ල කරමින් ලක්නව් සුපර් ජයන්ට්ස් කණ්ඩායමේ ලකුණු පුවරුව ඕවර් හතරකදී ලකුණු 49 ක් දක්වා ඉහලට ඔසවා තැබුවා.

ඒ අනුව පලමු ඕවර හය අවසානයේ ලක්නව් සුපර් ජයන්ට්ස් කණ්ඩායම ලකුණු 77 ක් ලබා සිටි අතර එය සටහන් වුනේ අයි පී එල් ඉතිහාසයේ ඔවුන් ලබා ගත් දෙවන වේගවත් ආරම්භය ලෙසයි. පූරන් ඉතා පහසුවෙන් තමන්ගේ ර්ධ ශතකය වෙත ලගා වූ අතර පන්දු 26 ක් අවසානයේ ලකුණු 70 ක් ලබා සිටි ඔහු පැට් කමින්ස්ගේ පන්දුවක් හමුවේ දැවී ගියා.

ඉන්පසුව පිටියට පිවිසි Rishabh Pant සමග එකතු වූ මාර්ෂ් ලකුණු ලබා ගැනීම ආරම්භ කල අතර පැට් කමින්ස්ගේ එක ලග පන්දු දෙකකට හතරේ පහර දෙකක් එල්ල කිරීමට සමත් වුනා. ඒ සමගම පන්දු 29 කින් ලකුණු 50 සීමාවට පිවිසි මාර්ෂ් ඉන්පසුව තමන්ට එල්ල වූනු පැට් කමින්ස්ගේ පන්දුවකදී දැවී ගියා.

ඉන්පසුව පිටියට පිවිසි ආයුෂ් බදෝනිගේ උඩ පන්දුවක් දක්ෂ ලෙස ලබා ගැනීමට හර්ෂාල් පටෙල් සමත් වුනා. ඔහු ලබා ගත් මෙම උඩ පන්දුව බොහො දෙනෙකුගේ මතයට අනුව තරගාවලිය තුලදී ලබා ගත් විශිෂ්ඨතම උඩ පන්දුවයි. එමෙන්ම අවශ්‍යම මොහොතේ Rishabh Pant ගේ විකට්ටුවත් ලබා ගැනීමට ඔහු සමත් වුනා.

විකට් කිහිපයක්ම තමන් වෙතින් ගිලිහී ගියත් ලකුනු ඉලක්කය වෙත පහසුවෙන් ලගා වුණු ලක්නව් සුපර් ජයන්ට්ස් කණ්ඩායම අබ්දුල් සමාද් පන්දු 8 කදී නොදැවී ලබා ගත් ලකුණු අටත් සමගින් ඉලක්කය වෙත ලබා වී ජයග්‍රහණය වාර්තා කලා.