රෝයල් චැලෙන්ජර්ස් බැංගලෝර් කන්ඩායම (RCB) සහ චෙන්නායි සුපර් කින්ග්ස් (CSK) අතර තරගයෙන් ලකුණු 50ක ජයක් වාර්තා කිරීමට රෝයල් චැලෙන්ජර්ස් බැංගලෝර් කන්ඩායම සමත් වුනා. ඒ ඔවුන් චෙන්නායි සුපර් කින්ග්ස් කණ්ඩායමේ නිළ ක්‍රීඩාංගනය වන චෙන්නායි හිදී ලබා ගත් පලමු IPL තරග ජයග්‍රහණය ලෙසයි. මේ තරගය පුරාම බොහෝ දෙනෙකුගේ අවධානය යොමු වී තිබුනේ එම් එස් දෝනි, තරගයට ක්‍රීඩා කරයිද යන්නයි. කෙසේ හෝ අවසානයේ දෝනි අංක 9 පිතිකරුවා ලෙස පිටියට පැමිණි අතර ඒ ඔහු අංක නවය ක්‍රීඩකයා ලෙස පිටියට පැමිණි දෙවන අවස්ථාවයි.
තරගය පුරාම බොහෝ දෙනෙක් විමසිල්ලෙන් බලා සිටි කාරණයක් වුනේ රෝයල් චැලෙන්ජර්ස් බැංගලෝර් කන්ඩායම, චෙන්නායි සුපර් කින්ග්ස් කණ්ඩායමේ දග පන්දු යවන්නන්ට කෙසේ මුහුණ දේවිද යන්නයි. කෙසේ වෙතත් තරගය තුලදී මේ තත්වය වෙනස් වූ අතර චෙන්නායි සුපර් කින්ග්ස් කණ්ඩායමට රෝයල් චැලෙන්ජර්ස් බැංගලෝර් කණ්ඩායමේ දග පන්දු යවන්නන් වන බුවනේෂ්වර් කුමාර් සහ ජෝෂ් හේසල්වුඩ්ගෙන් විශාල අභියෝගයක් එල්ල වුනා. ඔවුන් දෙදෙනාම ඉතා හොදින් පන්දු යැවූ අතර ඕවර් හතක් අවාසනයේ කඩුළු හතරක් දැවී ලකුණු 41 කට චෙන්නායි සුපර් කින්ග්ස් කන්ඩායම සිමා කරන්නට ඔවුන් සමත් වුනා. මේ තත්වය චෙන්නායි සුපර් කින්ග්ස් කණ්ඩායමට විශාල අභියෝගයක් බවට පත් වුනා.
මුලින්ම පන්දුවට පහර දුන් රෝයල් චැලෙන්ජර්ස් බැංගලෝර් කන්ඩායම, කඩුළු හතක් දැවී ලකුණු 196 ක් රැස් කර ගත් අතර Rajat Patidar පන්දු 32 ක් තුලදී ලකුණු 51 ක් ලබා ගනිමින් අර්ධ ශතකය වාර්තා කරන්නට සමත් වුනා. එමෙන්ම Phil Salt පන්දු 16ක් තුල ලකුණු 32 ක් ලබා ගත් අතර රවීන්ද්‍ර ජඩේජා සහ ආර් අශ්වින් හට තරගය තුලදි දක්ෂතා දැක් වීමට හැකි වුනේ නැහැ.
ඉතා මන්දගාමී ලෙස තමන්ගේ ඉනිම ආරම්භ කල චෙන්නායි සුපර් කින්ග්ස් කණ්ඩායමේ කඩුළු කිහිපයක්ම ඉක්මනින් බිදී ගිය අතර පවර් ප්ලේ ඕවර හය තුලදි ඔවුන්ගේ කඩුළු තුනක් බිදි ගොස් තිබූනා. බොහෝ දෙනෙක් බලාපොරොත්තුවෙන් සිටි ආකාර්‍යටම අංක නවය ක්‍රීඩකයා ලෙස දෝනි පිටියට පිවිසි අතර ඔහු අවසන් ඕවර දෙක තුලදී වේගවත් පහර කිහිපයක්ම එල්ල කලා. නමුත් නියමිත ඕවර ප්‍රමාණය අවසානයේදී චෙන්නායි සුපර් කින්ග්ස් කණ්ඩායම ලකුණු 50 කින් රෝයල් චැලෙන්ජර්ස් බැංගලෝර් කන්ඩායමට පරාජය වූ අතර ඔවුන්ට ලබා ගැනීමට හැකි වුනේ කඩුළු අටක් දැවී ලකුණු 146 ක් පමණයි.
