ගුජරාත් ටයිටන්ස් කණ්ඩායම සහ මුම්බායි ඉන්දියන්ස් කණ්ඩායම අතර අහමදාබාද් හි පැවති තරගයෙන් ලකුණු 36ක ජයක් වාර්තා කිරීමට ගුජරාත් ටයිටන්ස් කණ්ඩායම සමත් වුනා. මෙම තරගය තුලදී ගුජරාත් ටයිටන්ස් කණ්ඩායම කඩුළු 8 ක් දැවී ලකුණු 196 ක් රැස් කිරීමට සමත් වුනා.
ගුජරාත් ටයිටන්ස් කණ්ඩායමේ ශුබ්මන් ගිල්ස් සහ සායි සුදර්ෂන් ඉනිම සදහා වේගවත් ආරම්භයක් ලබා දුන් අතර ඔවුන් පවර් ප්ලේ ඕවර තුලදී ලකුණු 66 ක් ලබා ගැනීමට සමත් වුනා. ඔවුන් දෙදෙනාම පන්දු 18 ක් තුල ලකුණු 32 ක් ලබා ගත් අතර හාර්දික් පාන්ඩ්‍යා ගේ පන්දූවක් හමුවේ ගිල් දැවී යාමත් සමග මුම්බායි ඉන්දියන්ස් පිල තරගයේ පාලනය තමන්ගේ අතට ගැනීමට සමත් වුනා. ඉන්පසුව පිටියට පිවිසි ජොස් බට්ලර් ලකුණු රැස් කීරීමේ ප්‍රබල උත්සාහයක නිරත වුනත් ඔහු ලකුණු 39 කට දැවී ගියා. ඒ සමගම පාලනය තමන්ගෙ අතට ගත් සුදර්ෂන් අවශ්‍යම මොහොතේ පන්දු 39 කට මුහුණ දෙමින් වේගවත් ලකුණු 63 ක් ලබා ගත්තා. ඔහුගේ දැවී යාමත් සමග ගුජරාත් ටයිටන්ස් පිලේ කඩුළු බිද වැටෙන්නට පටන් ගත් නමුත් ඔවුන් ලකුණු 196 ක් රැස් කර ගැනීමට සමත් වුනා.
ඉන්පසුව පිටියට පිවිසි මුම්බායි ඉන්දියන්ස් පිල ප්‍රවේගකාරී ආරම්භයක් ලබා ගත්තේ රෝහිත් ෂර්මාගේ වේගවත් පහර කිහිපයක් සමගයි. කෙසේ වෙතත් සිරාජ්ගේ පන්දුවක් හම්බුවේ ඔහු දැවී ගිය අතර පවර් ප්ලේ ඕවර හය තුලදී මුම්බායි ඉන්දියන්ස් පිලට කඩුළු දෙකක් දැවී ලබා ගැනීමට හැකිව තිබුනේ ලකුණු 48 ක් පමණයි. ඉන්පසුව පිටියට පිවිසි සූර්යකුමාර් යාදෙව්, මුම්බායි ඉන්දියන්ස් පිල වෙනුවෙන් තිලක් වර්මා සමග එකතු වී ලකුණු 62 ක් රැස් කර ගැනීමට සමත් වුනා.
අවසන් ඕවර නවය තුලදී ලකුණු සියයක් ලබා ගැනීමට අවශ්‍ය වූවත් මුම්බායි ඉන්දියස් පිල මෙම ලකුණු ප්‍රමාණය හබා යාමට උත්සාහ දරමින් සිටියා. කෙසේ වෙතත ප්‍රසිද් ක්‍රිෂ්නාගේ දක්ෂ පන්දු යැවීම හමුවේ ඔවුන්ට එය පහසු වුනේ නැහැ. ක්‍රිෂ්ණා තිලක් ගේ කඩුල්ල ලබා ගැබ්නීමෙන් පසුව සූර්ය කුමාර් යාදෙව් ගේ කඩුල්ලත් ලබා ගත් අතර ඉන්ප්සුව පිටියට පිවිසි හාර්දික් පාන්ඩ්‍යාද, ඉතා ඉක්මනින් දැවී ගියා.
ඒ අනුව මුම්බායි ඉන්දියන්ස් පිලට ලබා ගැනීමට හැකි වුනෙ කඩුළු හයක් දැවී ලකුණු 160 ක් පමණයි.
