කොල්කටා නයිට් රයිඩර්ස් කණ්ඩායම (KKR) ඊයේ (3 වෙනිදා) පැවති තරගයෙන් ලකුණු 80 කින් සන්රයිසස් හයිද්‍රාබාද් කණ්ඩායම (SRH) පරාජයට පත් කර තමන්ගේ සුපුරුදු දක්ෂතා අතරට පැමිණීමට සමත් වුනා. කොල්කටා නයිට් රයිඩර්ස් කණ්ඩායමේ වෙන්කටේෂ් අයියර් සහ රින්කු සින්හ් ගේ දක්ෂතාවය නිසා ඔවුන්ට කඩුළු හයක් දැවී ලකුණු 200 ක් දක්වා ගමන් කිරීමට හැකියාව ලැබුණා. ඔවුන් දෙදෙනාගේ අති දක්ෂ පිතිකරණයත් සමගින් අවසන් ඕවර පහ තුල කණ්ඩායමේ ලකුණු සංඛ්‍යාව ලකුණු 78 කින් වැඩි කිරීමට ඔවුන් සමත් වුනා.
එසේම මෙම තරගය තුලදී සන්රයිසස් හයිද්‍රාබාද් කණ්ඩායම තව දුරටත් දුර්වල පිතිකරණයක් පෙන්නුම් කල අතර ඔවුන්ගේ මුල් කඩුළු තුනම පන්දු 13 ක් තුලදි බිදි යාම බොහෝ දෙනෙකුගේ අවධානයට ලක් වුනා.
ඊයේ දිනයේදී තරගය පැවත්වුණු ක්‍රීඩාංගය බොහෝ දෙනෙකුගේ මතය අනුව වඩාත් සුදුසු වුනේ පිතිකරණයට වූවත් කලින් සදහන් කල ආකාරයමට සන්රයිසස් හයිද්‍රාබාද් කණ්ඩායම තරගය පුරාම අසාර්ථක වුනා. කණ්ඩායමේ ප්‍රබල පිතිකරුවෙක් වෙන ට්‍රැවිස් හෙඩ් තමන් මුහුණ දුන් දෙවන පන්දුවෙන්ම දැවී ගිය අතර ඉන්පසුව අභිෂේක් ශර්මා සහ, ඉෂාන් කිෂාන් ද දැවී ගියා. ඒ අනුව ඔවුන්ගේ ලකූණු පුවරුව සටහන් වුනේ කඩුළු තුනක් දැවී ලකුණු 9 ක් ලෙසයි.
ඉන්පසුව පිටියට පිවිසි නිතිෂ් රෙඩ්ඩි ලකුණු 18 ක් සහ කමිදු මෙන්ඩිස් ලකුණු 21 ක් රැස් කලත් ඔවුන්ට ඉනිම ගොඩ නැංවීමට හැකියවක් ලැබුනේ නැහැ. ඉන්පසුව පිටියට පිවිසි Heinrich Klaasen ලකුණු 33 ක් රැස් කලත් Vaibhav Arora ගේ පන්දුවක් හමුවේ ඔහු දැවී ගියා.
පළමුවෙන් පන්දුවට පහර දීම සදහා පිටියට පිවිසි කොල්කටා නයිට් රයිඩර්ස් කණ්ඩායමේ සුනිල් නරිනේ සහ ක්වින්ටොන් ද කොක් ඉතා අඩු ලකුණු සංඛයවකට දැවී ගියත් රහනේ සහ රඝුවන්ෂි ඉතා හොද ඉනිමක් ගොඩ නැගීමට සමත් වුනා. එහිදී ආක්‍රමණශීලී ලෙස ක්‍රීඩා කල රහ්නේ, හතරේ පහර එකක් සහ හයේ පහර තුනක් එල්ල කිරීමට සමත් වුනා. එමෙන්ම රඝුවන්ශි, දැවී යාමට පෙර අර්ධ ශතකය රැස් කර ගැනීමට ස්මත් වුනා. ෂීෂාන් අන්සාරි, සන්රයිසස් හයිද්‍රාබාද් කණ්ඩායමට අභියෝගයක් එල්ල කලත් මැදී ඕවර කිහිපය තුල කොල්කටා නයිට් රයිඩර්ස් කණ්ඩායම පාලනය කිරිමට ඔහුට හැකි වුනේ නැහැ.
ඉන්පසුව පිටියට පිවිසි රින්කු සිංහ් 17 වෙනි ඕවර්‍යේදී හතරේ පහර තුනක් එල්ල කල අතර වෙන්කටේෂ් අයියර් පන්දු 25 ක් තුලදී ලකුණු 50 ක් ලබා ගත්තා. ඒ අනුව ලකුණු විකට් හයක් දැවී ලකුණු 200 ක ඉලක්කයක් ප්‍රතිවාදී පිලට ලබා දීමට කොල්කටා නයිට් රයිඩර්ස් කණ්ඩායම සමත් වුනා.
මෙම ඉලක්කය වෙනුවෙන් පිටියට පිවිසි සන්රයිසස් හයිද්‍රාබාද් කණ්ඩායමේ මුල් කඩුළු කිහිපයම බිද දැමීමට කොල්කටා නයිට් රයිඩර්ස් කණ්ඩායමේ පන්දු ය්වන්නන් සමත් වුනා. ඒ අනුව Vaibhav Arora ලකුණු 29 ක් තුල කඩුළු 3 ක් ලබා ගත් අතර වරුන් චක්‍රවර්තී ලකුණු 22 ක් තුල කඩුළු තුනක් ලබා ගත්තා. එමෙන්ම සුනිල් නරිනේ සහ ඇන්ඩෲ රසල් සන්රයිසස් හයිද්‍රාබාද් කණ්ඩායම මැදි පෙල ඕවර් කිහිපයම සාර්ථකම මැඩපවත්වා ගත් අතර ඒ සමගම ඔවුන්ට ලකුණු 80 ක පහසු ජයක් ලබා ගැනීමට හැකි වුනා.
