2025 IPL තරගාවලිය ආරම්භ වී තරග කිහිපයක්ම අවසන් වී ඇති මොහොතක මේ වන විට කණ්ඩායම් කිහිපයක් තමන්ගේ සුපුරුදු දක්ශතා අතරට පැමිණියත් තවත් කිහිපයකටම තමන්ගේ සුපුරුදු රිද්මයට පැමිණීමට නොහැකි වී තිබෙනවා. වර්තමානය වන විට දකින්නට ලැබෙන ලකුනු පුවරුව අනුව, අවසන් තරගය පිලිබදවත් අදහසක් ගැනීමට හැකි බවයි බොහෝ දෙනෙකුගේ මතය බවට පත් වී තිබෙන්නේ.
රෝයල් චැලෙන්ජර්ස් බැංගලෝර් (RCB) සහ දිල්ලි කැපිටල්ස් (DC) පෙරමුණ ගනී.
මේ වන විට තරගාවලියේ මුල් ස්ථාන දෙක දිනා ගැනීමට සමත් වී තිබෙන්නෙ රෝයල් චැලෙන්ජර්ස් බැංගලෝර් (RCB) සහ දිල්ලි කැපිටල්ස් (DC) කණ්ඩායමයි. ඔවුන් දෙපලම ඔවුන්ට හිමි පලමු තරග දෙකම ජයග්‍රහණය කර තිබෙන අතර ඔවුන් මේ වන විට ලකුණු හතර බැගින් දිනාගෙන තිබෙනවා. කෙසේ වෙතත් රෝයල් චැලෙන්ජර්ස් බැංගලෝර් කණ්ඩායම සතු net run rate අගය +2.266 ලෙස ලකුණු වී තිබෙන අතර දිල්ලි කැපිටල්ස් කණ්ඩායමේ මෙම අගය පවතින්නේ +1.320 අගයේයී.
ලක්නව් සුපර් ජයන්ට්ස් සහ ගුජරාට් ටයිටන්ස් කණ්ඩායම් ප්‍රබල තරගයක.
ලක්නව් සුපර් ජයන්ට්ස් සහ ගුජරාට් ටයිටන්ස් කණ්ඩායම් දෙක මේ වන විට තමන් සහභාගී වූ තරග දෙකෙන් එක බැගින් ජය ගැනිමට සමත් වී සිටින අතර ඔවුන්ගේ net run rate අගයන් සටහන් වී තිබුනේ පිළිවෙලින් +0.963 සහ +0.625 ක් ලෙසයි.
පන්ජාබ් කින්ග්ස් (PBKS) සහ මුම්බායි ඉන්දියන්ස් (MI) කණ්ඩායම.
මේ වන විට පන්ජාබ් කින්ග්ස් (PBKS) කණ්ඩායම එක් තරගයක් පමණක් ක්‍රීඩා කර තිබෙන අතර එම තරගය ජයග්‍රහණය කල ඔවුන් ලකුණු දෙකක් දිනා ගැනීමට සමත් වී තිබෙන්නේ +0.550 ක NRR අගයක් සමගයි. නමුත් මෙම අගය නියතව පවත්වාගෙන යන්නට නම් ඔවුන් තවත් තරග කිහිපයක්ම ක්‍රීඩා කල යුතුව තිබෙනවා.
එසේම මුම්බායි ඉන්දියන්ස් (MI) කණ්ඩායම මේ වන විට තරග සටහනේ මැද රැදී සිටින්නේ තරග දෙකක් පරාජය වී එක් තරගයක් ජය ගත් පසුබිමකයි. ඔවුන්ගේ net run rate අගය +0.309 ක් ලෙස සටහන් වී තිබෙන අතර බොහෝ දෙනෙක් බලාපොරොත්තු තබාගෙන සිටින්නේ ඔවුන් ඉදිරීයෙදී සුපුරුදු දක්ෂතා අතරට පැමිණෙනු ඇති බවයි.
මේ වන විට තරග සටහනේ පහලින්ම රැදී සිටින්නේ තමන් සහභාගී වූ තරග තුනෙන් එකක් පමණක් ජය ගැනීමට සමත් වුනු චෙන්නායි සුපර් කින්ග්ස් කණ්ඩායම, සන් රයිසර්ස් හයිද්‍රාබාද් කණ්ඩායම, රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායමයි. ඔවුන් ලකුණු දෙක බැගින් ලබා සිටියත් ඔවුන්ගේ net run rates පවතින්නේ සෘණ අගයකයි.
කෙසේ වෙතත් තවත් තරග රැසක් පැවැත්වීමට නියමිත පසුබිමක මෙම තත්වය සම්පූර්ණයෙන්ම වෙනස් වීමට ඉඩ තිබෙන බව තරග තීරකයන්ගේ මතයයි.
