2025 IPL තරගාවලියේ තමන්ගේ පළමු තරගය වාර්තා කිරීමට මුම්බායි ඉන්දියන්ස් පිල ඊයේ දිනයේදී සමත් වුනා. ඔවුන් මෙම තරගයේදී කොල්කටා නයිට් රයිඩර්ස් කණ්ඩායම පරාජයට පත් කලේ කඩුළු අටකිනුයි. ඒ අනුව වැන්කඩේ ක්‍රීඩාගංනයේදී කොල්කටා නයිට් රයිඩර්ස් පිලට එරෙහිව ලබා ගත් 10 වන ජයග්‍රහණය වාර්තා කර ගැනීමට ඔවුන් සමත් වුනා.
මෙම තරගයේ කැපී පෙනෙන තරුව බවට පත් වුනේ නවක වේග පන්දු යවන්නෙක් වන අශ්වානි කුමාර් වන අතර ඔවුන් තමන්ගේ පලමු අයි පී එල් තරගයේදීම ලකුණු 24 කට කඩුළු 4 ක් ලබා ගැනීමට සමත් වුනා. ඔහුගේ මෙම දක්ෂතාවය සමග කොල්කටා නයිට් රයිඩර්ස් කණ්ඩායමේ ලකුනු සංඛ්‍යාව 116 කට සීමා කිරීමට සමත් වූ අතර එම ලකුණු ප්‍රමාණය හඹා ගිය මුම්බායි ඉන්දියන්ස් පිලට කඩුළු දෙකක් පමණක් දැවී ලකුණු 121 ලබා ගෙන තරගය ජයග්‍රහණය කිරීමට හැකි වුනා.
අශ්වානි කුමාර්ගේ විශිෂ්ඨ දක්ශතාවය.
23 හැවිරිදි අශ්වානි, තමන්ගේ පලමු තරගයට කොතරම් නම් චකිතයකින් පසුවීද යත් ඔහු තරගයට පෙර තමන්ගේ දිවා ආහාරය හෝ ලාගෙන තිබුනේ නැහැ. නමුත් පිටියට පිවිසි පසු අති දක්ෂ පන්දු ය්වන්නෙක් ලෙස පන්දු යැවූ ඔහු තමන්ගේ පලමු තරගයේ පලමු පන්දුවෙන්ම විකට්ටුවක් දවා ගැනීමට සමත් වුනේ කොල්කටා නයිට් රයිඩර්ස් කණ්ඩායමේ නායක අජින්ක්‍යා රහ්නේ දවා ගනිමිනුයි. ඉන්පසුව පිලිවෙලින් නයිට් රයිඩර්ස් කන්ඩායමේ ප්‍රබල පිතිකරුවන් වන රින්කු සින්හ් සහ ඇන්ඩෲ රසල් දවා ගැනීමට සමත් වුනා.
අශ්වානිගේ පන්දු යැවීමේ වේගය පැයට කිලෝමීටර 130 – 140 ක වේග පරාසයක පැවතුණු අතර ඔහුගේ පන්දුව දග කැවීමේ කුසලතාවය පිතිකරුවන්ට විශාල අභියෝගයක් බවට පත් වී තිබෙනවා. Sher-E-Punjab T20 කුසලානය වෙනුවෙන් පැවති තරගාවලියේදී සුවිශේෂි දක්ෂතා දැක් වූ ඔහු ඒ සමගම බොහෝ දෙනෙකුගේ අවධානය දිනා ගත්තා.
බෝල්ට් ගේ දක්ෂතාවය.
අශ්වානි පිටියට පිවිසීමට පෙර මුම්බායි ඉන්දියන්ස් පිලේ ප්‍රවීණ පන්දු යවන්නෙක් වුණු ට්‍රෙන්ට් බෝල්ට් පලමු ඕවරයේදීම විකට්ටුවක් ලබා ගැනීමට සමත් වුනේ මුම්බායි ඉන්දියන්ස් පිලට ප්‍රබල ආරම්භයක් ලබා දෙමිනුයි. එසේම දීපක් චහාර් හමුවේ ප්‍රබල අභියෝගයකට් මුහුන දුන් ක්වින්ටන් ද කොක් දැවී ගියා.
කෙසේ වෙතත් තමන්ගේ මුල් විකට් කිහිපය බිදි ගිය පසුබිමක වුවත් කොල්කටා නයිට් රයිඩර්ස් කණ්ඩායම තරගයේ රැදි සිටීමට උත්සාහ කලත් ඔවුන්ගේ පන්දු යැවීමේ දක්ෂතා ඒ වෙනුවෙන් ප්‍රමාණවත් වූයේ නැහැ.
මුම්බායි ඉන්දියන්ස් පිලේ ඉනිම.
මුම්බායි ඉන්දියන්ස් පිලට ලැබී තිබුනේ ලකුණු 117 ක ඉලක්කයක් පමණක් වූවත් ඔවුන්ට තමන්ගේ ඉනිම ආරම්භය ඒ තරම් සුබ වුනේ නැහැ. රයන් රිකල්ටන් මන්දගාමී ආරම්භයක් ලබා ගත්තත් තෝරාබේරාගෙන පන්දු වලට පහර දුන් ඔහු ඉතා හොද ඉනිමක් ගොඩ නගමින් නොදැවී ලකුණු 62 ක් රැස් කලා. සුනිල් නරිනේ ගේ පන්දුවකට හයේ පහරක් එල්ල කල ඔහු තමන්ගේ අර්ධ ශතකය රැස් කල අතර සූර්ය කුමාර් යාදෙව් තවත් හයේ පහරක් සමග තරගය අවසන් කලා. එමෙන්ම බොහෝ දෙනෙක් බලාපොරොත්තු තබා සිටි රෝහිත් ශර්මා අවාසනාවන්ත ලෙස ලකුණු 13 කට දැවී ගියා. ඔහු නැවතත් තමන්ගේ සුපුරුදු රිද්මයට පැමිණෙනු ඇති බව බොහෝ දෙනෙකුගේ බලාපොරොත්තුවයි
