ලක්නව් සුපර් ජයන්ට්ස් කණ්ඩායම (LSG) සහ මුම්බායි ඉන්දියන්ස් කණ්ඩායම (MI) අතර ඊයේ (4) පැවති තරගයෙන් ඉතා විශිෂ්ඨ ජයක් ලබා ගැනීමට ලක්නව් සුපර් ජයන්ට්ස් කණ්ඩායම සමත් වුනා. ඒ අනුව පස් වතාවක් අයි පී එල් ශූරතාවය දිනා ගැනීමට සමත් වුණු ලක්නව් සුපර් ජයන්ට්ස් කණ්ඩායම මෙවරත් තමන්ගේ ආධිපත්‍යය තරගාවලිය පුරා පතුරුවා හරිමින් තමන් සහභාගී වූ තරගය 7 න් 6 ක්ම ජය ගැනීමට සමත් වී සිටිනවා.
ලක්නව් ක්‍රීඩාංගනයේදි පැවති මේ තරගයේදී ලක්නට් සුපර් ජයන්ට්ස් කණ්ඩායම මුලින්ම පන්දුවට පහර දීමට තීරණය කල අතර ඔවුන්ගේ මුල් පෙල පිතිකරුවන් වුණු මිචෙල් මාර්ෂ් සහ ඒඩන් මැක්‍රම් ඉතා හොද ආරම්භයක් ලබා ගත්තා. ඒ අනුව මාර්ෂ් පන්දු 36 කදී ලකුණු 60 ක් ලබා ගත් අතර මැක්‍රම් පන්දු 38 ක් තුල ලකුණු 53 ක් ලබා ගත්තා. ඒ අනුව ඔවුන් දෙදෙනා එකතු වී ලබා ගත් ලකුණු 112, ඔවුන්ගෙ කණ්ඩායමට විශාල අඩිතාලමක් බවට පත් වුනා.
ඔවුන් දෙදෙනාගේ දැවී යාමෙන් පසුව තරගයට අවතීර්ණ වුණු මුම්බායි ඉන්දියන්ස් කණ්ඩායම දිගින් දිගටම ඉතා හොද පන්දු යැවීමක නිරත වුණු අතර ඔවුන්ගේ නායක හාර්දික් පාන්ඩ්යා විශිෂ්ඨ පන්දු යැවීමක නිරත වෙමින් කඩුළු 5 ක් ලබා ගැනීමට සමත් වුනා. ඒ අනුව ඔහුගේ මෙම දක්ෂතාවය එතෙක් මෙතෙක් අයි පී එල් ඉතිසාහයේ කණ්ඩායම් නායකයෙකු දැක් වූ ඉහළම දක්ෂතාවය ලෙස වාර්තා පොත් අතරට එකතු වුනා.
හාර්දික් පාන්ඩ්‍යාගෙ මෙම විශිෂ්ඨ පන්දු යැවීම හමුවේ වූවත් ලක්නව් කණ්ඩායම ලකුණු 200 සීමාව පසු කලේ ආයුෂ් බදෝනි පන්දු 16 ක් තුල ලබා ගත් වේගවත් ලකුණු 30 ත් සමගයි. ඒ අනුව තමන්ගේ ඉනිම අවසානයේ ලකුණු 203 ක ඉලක්කයක් මුම්බායි ඉන්දියන්ස් පිලට ලබා දීමට ලක්නව් සුපර් ජයන්ට්ස් කණ්ඩායම සමත් වුනා.
මෙම ඉලක්කය හඹා යාම වෙනුවෙන් පිටියට පිවිසි මුම්බායි ඉන්දියන්ස් පිලේ මුල් පෙල පිතිකරුවන්ට සාර්ථක වීමට අවස්ථාවක් ලැබුනේ නැහැ. කෙසේ වෙතත් ඉන්පසුව පිටියට පිවිසි නමන් ධිර්, ඉතා හොදින් ක්‍රීඩා කරමින් ලකුණු 46 ක් ලබා ගැනීමට සමත් වුනා. එමෙන්ම ඊයේ තරගයේ තරුව බවට පත් වුණු සූර්යකුමාර් යාදෙව්, ඉතා හොද ඉනිමක් ක්‍රීඩා කරමින් පන්දු 43 ක් තුල ලකුණු 67 ක් ලබා ගත්තේ මුම්බායි ඉන්දියන්ස් පිලේ ජයග්‍රහණයේ බලාපොරොත්තු තවත් වැඩි කරමිනුයි.
ඒ අනුව තවත් ඕවර හතරක් ඉතිරි වී තිබියදී මුම්බායි ඉන්දියස් පිලට ලබා ගැනීමට තිබුනේ ලකූනු 52 ක් පමණක් නිසා බොහෝ දෙනෙක් මුම්බායි ඉන්දියන්ස් පිලේ ජයග්‍රහණය විස්වාස කරන්නට පටන් ගත්තා. නමුත් ඉන්පසුව අවේෂ් ඛාන් ගේ පන්දුවක් හමුවේ සූර්යකුමාර් දැවී යාමෙන් පසුව ලකුණු ලබා ගැනිමට විශාල උත්සාහයක නිරත වුණු හාර්දික් පාන්ඩ්යා ද දැවී ගියා. ඒ අනුව මුම්බායි ඉන්දියන්ස් පිලට ලබා ගැනීමට හැකි වුනේ ලකුණු 191 පමණයි.
ඒ සමගම ලකුණු 12 ක තියුණු ජයග්‍රහණයක් ලබා ගැනීමට ලක්නව් සුපර් ජයන්ට්ස් කණ්ඩායම සමත් වුනා.
