චෙන්නායි සුපර් කින්ග්ස් (CSK) කණ්ඩායම සහ මුම්බායි ඉන්දියන් කණ්ඩායම(MI) සමග පැවති තරගයෙන් චෙන්නායි සුපර් කින්ග්ස් කණ්ඩායම විකට් හතරක පහසු ජයක් ලබා ගැනීමට සමත් වුනා. මේ තරගය පුරාම චෙන්නායි සුපර් කින්ග්ස් කණ්ඩායමේ පන්දු යවන්නන් තමන්ගේ දක්ෂතා ඉතා හොදින් පෙන්වූ අතර ඔවුන් මුම්බායි ඉන්දියන්ස් කණ්ඩායම විකට් 9 කදී ලකුණු 155 කට සීමා කීරීමටද සමත් වුනා.
මුම්බායි ඉන්දියන් කණ්ඩායම තරගය ආරම්භයේදීම දැඩි පීඩනයකට ලක් වුනේ වේග පන්දු යවන ඛලීල් අහමඩ් විකට් දෙකක් ලබා ගෙන පළමු පිතිකරුවන් දෙදෙනාම පිටියෙන් ඉවත් කිරීමත් සමගයි. ඉන්පසුව මුම්බායි ඉන්දියන්ස් කණ්ඩායමේ තුන්වන විකට්ටුව ලබා ගැනීමට සමත් වුනේ දක්ෂ ස්පිනර් පන්දු යවන්නෙක් වන රවිචන්ද්‍රන් අශ්වින් විසිනුයි. කෙසේ වෙතත් ඊයේ දිනයේ චෙන්නායි සුපර් කින්ග්ස් කණ්ඩායමේ සුවිශේෂි දක්ෂතාවයක් දැක් වූ නූර් අහම්ඩ් ලකුණු 18 කට කඩුළු 4 ක් දවා ගැනීමට සමත් වුනා. මේ පන්දු යැවීම සැලකුනේ මෙතෙක් ඉතිහාසයේ මුම්බායි ඉන්දියන් පිලට එරෙහිව චෙන්නායි සුපර් කින්ග්ස් දැක් වූ හොදම දක්ෂතාවය ලෙසයි.
තමන් පත් වී සිටින අපහසු තත්වයෙන් ගැලවීමට තිලක් වර්මා සහ සූර්‍යකුමාර් යාදෙව් දැඩි පරිශ්‍රමයක් ගත්තත් නූර් ගේ අති දක්ෂ ස්පින් පන්දු හමුවේ ඔවුන්ට සාර්ථක වීමට හැකියාවක් ලැබුනේ නැහැ. අවසානයේ පන්දු ඕවර 20 අවසානයේ කඩුළු නවයක් දැවී ඔවුන්ට ලබා ගැනීමට හැකි වුනේ ලකුණු 155 ක් පමණයි.
ඉන්පසුව පන්දුවට පහර දීම ආරම්භ කල චෙන්නායි සුපර් කින්ග්ස් කණ්ඩායමේ නායක රුතුරාජ් ගයික්වාඩ් පන්දු 26 ක් තුලදී ලකුණු 53 ක් ලබා ගනිමින් ප්‍රබල ආරම්භයක් ලබා දුන්නා. ඉන්පසුව චෙන්නායි සුපර් කින්ග්ස් කණ්ඩායමේ විකට් කිහිපයක්ම මුම්බායි ඉන්දියන්ස් පිලේ වේග පන්දු යවන විග්නේෂ් පුතූර් ලබ ගැනීමට සමත් වුනත් රචින් රවීන්ද්‍ර පන්දු 45 කදී ලකුණු 65 ක් ලබා ගනිමින් තරගය ජයග්‍රහණය කරා රැගෙන යාමට සමත් වුනා. ඒ සමගම චෙන්නායි සුපර් කින්ග්ස් කණ්ඩායම විකට් හතරක් සහ පන්දු නවයක් ඉතිරිව තිබියදී තමන්ගේ ජනග්‍රහණය වාර්තා කිරීමට සමත් වුනා.
චෙන්නායි ප්‍රේක්ෂකයන් තමන්ගේ සුපිරි තරුව එම් එස් දෝනි ක්‍රීඩා කරන තුරු දෑස් දල්වා බලා සිටියත් ඔහු මුහුණ දුන්නේ පන්දු දෙකකට පමණක් වූ අතර ලකුණු ලබා ගැනීමටද සමත් වුනේ නැහැ. නමුත් චෙන්නායි සුපර් කින්ග්ස් ප්‍රේක්ෂකයින් තමන් ලැබූ ජයග්‍රහණය ඉතා සතුටින් සමරන ආකාර්‍යා දැක ගන්නට ලැබුණා.
