ශර්මාගේ විශිෂ්ඨ පිතිකරණය සමගින් දිල්ලි කැපිටල්ස් කණ්ඩායමට කඩුළු එකක තියුණු ජයක්.

දිල්ලි කැපිටල්ස් කණ්ඩායම ((DC) සහ ලක්නව් සුපර් ජයන්ට්ස් කණ්ඩායම (LSG)  අතර ඊයේ දිනයේ පැවති තරගයෙන් විකට් එකක විශිෂ්ඨ ජයක් ලබා ගැනීමට දිල්ලි කැපිටල්ස් කණ්ඩායම ඊයේ දිනයේදී සමත් වුනා. විසාකාපට්නම් ක්‍රීඩාංගනයේදී පැවති මේ තරගය ප්‍රේක්ෂකයන්ට අතිශයින් උද්වේගකාරී තරගයක් බවට පත් වූ බව නොරහසක්. මේ තරගයේදී අෂුතෝෂ් ශර්මා පන්දු 31 කදී රැස් කල ලකුණු 66 බොහො දෙනෙකුගේ කතාබහට ලක් වුනා.

පන්දුවට පහර දීමේදී ලක්නව් සුපර් ජයන්ට්ස් කණ්ඩායමට වේගවත් ආරම්භයක් ලබා දුන් නිකොලක් පූරන් පන්දු 30 ක් ඇතුලත වේගවත් ලකුණු 75 ක් ලබා ගත් අතර ඔහුගේ අනිත් ඉනිමේ රැදි සිටි මිචෙල් මාර්ෂ් පන්දු 36 කදී ලකුණු 72 ක් ලබා ගැනීමට සමත් වුනා. දිල්ලි කැපිටල්ස් කණ්ඩායමට විශාල අභියොගයක් ලබා දුන් මේ පිතිකරුවන් දෙදෙනා ඕවර 13 ක් ඇතුලතදි ලකුණු 161 ක් රැස් කර ගැනීමට සමත් වුනා. මෙම ලකුණු වේගයත් සමග ඔවුන් ලකුණු 250 ඉක්මවා යනු ඇති බව බොහෝ දෙනෙක් විස්වාස කලා.

නමුත් කුල්දීප් යාදෙව් සහ මිචෙල් ස්ටාර්ක් ගේ පන්දු යැවීමත් සමගින් ලක්නව් සුපර් ජයන්ට්ස් කණ්ඩායමේ පිතිකරණ බල ඇණිය අඩපණ වූ අතර ඔවුන්ගේ කණ්ඩායමේ මුළු ලකුණු ප්‍රමාණය විකට් 8 කදී ලකුණු 209 කට සීමා වුනා. ස්ටාර්ක් ලකුණු 42 කට විකට් තුනක් ලබා ගත් අතර කුල්දීප් අවශ්‍යම මොහොතේ ලකුණු 20 කට කඩුළු දෙකක් දවා ගැනීමට සමත් වුනා.

ලකුණු 209 ක ඉලක්කය හබා යාම සදහා පිටියට පිවිසි දිල්ලි කැපිටල්ස් කණ්ඩායමේ පලමු විකට් තුනම පලමු ඕවර් දෙක තුලදී දැවී ගියේ ඔවුන්ගේ ලකුණු පුවරුව කඩුළු තුනකට ලකුණු 7 ක් බවට පත් කරවමිනුයි. ඉන්පසුව ලකුණු 21 ක් ලබා ගත් අක්සාර් පටෙල් සහ ලකුණු 17 ක් ලබා ගත් ෆාෆ් දු ඉනිම ගොඩ නැංවීමට උත්සාහ කලත් හත් වන ඕවරය වන විට කඩුළු පහක් තුලදී ලකුණු 65 ක් දක්වා දිල්ලි කැපිටල්ස් කණ්ඩායම සීමා කරවීමට ලක්නව් සුපර් ජයන්ට්ස් කණ්ඩායමේ පන්දු යවන්නන් කටයුතු කලා.

කඩුළු 6 ක් බිද වැටී තිබියදී ලකුණු 116 ක් ලබා සිටි දිල්ලි කැපිටල්ස් කණ්ඩායමට තරගය ජයග්‍රහණය කිරීමට අවස්ථාව තිබුනේ සියයට 1.46 ක් පමණයි. නමුත් විප්‍රාජ් නිගම් විසින් පන්දු 15ක් ඇතුලත ලබා ගත් වේගවත් ලකුණු 39, බොහෝ දෙනෙකුගේ බලාපොරොත්තු ඉහල නැංවීමට සමත් වුනා. ඔහු දැවී යාමෙන් පසුව තරගය ජය ගැනීමේ අභියෝගය පැවරුනේ අෂුතෝෂ් ශර්මාටයි.

තමන්ට පැවරුණු වගකීම ඉතා හොදින් ඉටු කල අෂුතෝෂ්, පන්දු 11 කදී ලකුණු 46 ක් ලබා ගත්තේ වේගවත් හයේ සහ හතරේ පහර කිහිපයක් සමගයි. ඒ සමගම ඔවුන්ගේ ඉලක්කය අන්තිම ඕවරයේදී ලකුණු 6 ක් ලබා ගැනීම දක්වා අඩු වුනා.

අංක 11 ස්ථානයේ ක්‍රීඩා කල මෝහිත් ශර්මා ලකුණක් ලබා ගනිමින් පන්දුවට පහර දීමේ අවස්ථාව අෂුතෝෂ් ශර්මාට ලබා දීමෙන් පසුව ඔහු විසින් එල්ල කල සුවිශිෂ්ඨ හයේ පහරත් සමගින් දිල්ලි කැපිටල්ස් කණ්ඩායම කිසිවෙක් නොසිතූ අති දැවැන්ත ජයග්‍රහණයක් තමන්ගේ කණ්ඩායම ඉදිරියේ සටහන් කර ගත්තා.

මේ ජයග්‍රහණයත් සමගින් දිල්ලි කැපිටල්ස් කණ්ඩායම 2025 එල් පී එල් තරගාවලිය සදහා ඉතා හොද ආරම්භයක් ලබා ගත් බව බොහෝ දෙනෙකුගේ මතයයි.