අහමදාබාද් නගරයේදී ඊයේ (25) වෙනිදා පැවති තරගයෙන් ලකුණු 11 ක තියුණු ජයක් ලබා ගැනීමට ගුජරාත් ටයිටන්ස් (GT) සමග තරග වැදුණු පන්ජාබ් කින්ග්ස් කණ්ඩායම (PBKS) සමත් වුනා. පන්ජාබ් කින්ග්ස් කණ්ඩායම කඩුළු පහක් දැවී ලකුණු 243 ක් ලබා ගත් අතර ඔවුන් එසේ ලබා ගත්තේ IPL තරග ඉතිහාසයේ ඔවුන් ලබා ගත් දෙවන වැඩිම ලකුණු ප්‍රමාණයයි. කෙසේ වෙතත් ඔවුන්ගේ මේ ලකුණු අභියෝගය හඹා ගිය ජරාත් ටයිටන්ස් කණ්ඩායමට ලබා ගැනීමට හැකි වුනේ කඩුළු පහක් දැවී ලකුණු 232 ක් පමණයි.
IPL ශූරතාවය තමන්ගේ නම ඉදිරියේ සටහන් කර ගැනීමට සමත් වුණු ශ්‍රෙයාස් අයියර් මෙම තරගයේදී විශිෂ්ඨ ඉනිමක් ක්‍රීඩා කරමින් පන්දු 42 කින් නොදැවී ලකුණු 97 ක් රැස් කර ගැනීමට සමත් වුනා. ශක්තකය පෙනි පෙනී තිබියදී ඔහුට එය රැස් කර ගැනීමට නොහැකි වුනේ අවසන් ඕවරයේදී ඔහුට පන්දුවකට මුහුන දීමට අවස්ථාව නොලැබී යාමත් සමගයි. කෙසේ වෙතත් ඔහු තමන්ගේ අනෙක් පස ක්‍රීඩා කල ශෂාන්ක් සිංග් ට දිගින් දිගටම ප්‍රකාශ කලේ ලකුණු ලබා ගැනීම පිලිබදව විනා, ඔහුගේ ශතකය ගැන සැලකිලිමත් නොවන ලෙසයි.
අයියර් තරගයට පෙර තමන්ට තුන්වෙන පිතිකරු ලෙස පිටියට පැමිණීමට අවශ්‍ය බව ප්‍රකාශ කර තිබුණා. එයට හේතුව තමන්ගේ පිත්තෙන්ම සනාථ කර පෙන්වූ ඔහු තමන්ගේ ඉනිමේදී හයේ පහර නවයක් ලබා ගනිමින් ආවේගකාරී ආරම්භයක් ලබා ගත්තා. ඔහුගේ එකම ඉලක්කය බවට පත් වී තීබුණේ කණ්ඩායමේ ලකුණු සංඛයාව ඉහල මට්ටමක තබා ගැනීමයි. කගිසො රබාඩා, සායි කිෂෝර්, රෂීඩ් ඛාන් ඇතුළු පන්දු යවන්නන් දණ ගැස්වූ අයියර් 15 වෙනි ඕවරයේ වයිඩ් පන්දුවක් වෙනුවෙන් තමන්ට ලැබුණු අමතර පන්දුවටත් හයේ පහරක් එල්ල කිරීමට සමත් වුනා.
අයියර්ට අමතරව පන්ජාබ් කින්ග්ස් කණ්ඩායමේ සුවිශේෂි දක්ෂතා දැක්වූ තවත් ක්‍රීඩකයන් දෙපලක් වුනේ ප්‍රියන්ෂ් ආර්‍යා සහ ශෂාන්ක් සිංහ් යන ක්‍රීඩකයන් දෙපලයි.
24 හැවිරිදි වමත් පිතිකරුවෙක් වුණු ආර්‍යා, වමතින් පිත්ත හසුරුවමින් පවර් ප්ලේ ඕවර් හය පුරා පන්ජාබ් කින්ග්ස් කණ්ඩායමට හිමි බවුන්ඩරීස් 12 න් 6 ක් තමන්ගේ නම ඉදිරියේ සටහන් කර ගැනීමට සමත් වුනා. ඔහු මොහොමඩ් ශිරාජ්, රබාඩා වැනි පන්දු යවන්නන්ට දක්ෂ ලෙස මුහුණ දුන් ආකාරය බොහො දෙනෙකුගේ අවධානයට ලක් වුනා.
අවසන් ඕවර් කිහිපය තුලදී පිටියට පැමිණි සිංහ්, තමන් මුහුණ දුන් පන්දු 16න් 8 කටම හයේ හෝ හතරේ පහරවල් එල්ල කලා. ඔහු අවසන් ඕවරය තුලදි පමණක් ලකුණු 23 ක් ලබා ගත්තේ සිරාජ් අසරණ කරවමිනුයි.
ඉන්පසුව ගුජරාත් ටයිටන්ස් කණ්ඩායම වෙනුවෙන් පිටියට පිවිසි, සායි සුදර්ශන් පන්දු 41 ක් තුලදී ලකූණු 74 ක් ලබා ගනිමින් අගනා ඉනිමක් ක්‍රීඩා කලා. ඔහු පසුගිය IPL තරගාවලියේදීත් ශතකයක් ලබා ගත් අතර බොහෝ දෙනෙක් විශ්වාස කරන්නේ එලැඹෙන එංගලන්ත – ඉන්දියානු සංචාරයේදී සුදර්ශන්ට ඉන්දීය ටෙස්ට් කණ්ඩායමේ ස්ථානයක් හිමි වනු ඇති බවටයි. ගුජරාත් ටයිටන්ස් කණ්ඩායම 9 වෙනි සහ 14 වෙනි ඕවර අතරතුරදී ලකුණු 87 ක් ලබා ගනිමින් පන්ජාබ් කින්ග්ස් කණ්ඩායමට වඩා ලකුණු 30 ක් ඉදිරියෙන් සිටීමට පවා සමත් වුනා. ඒවගේම ජොස් බට්ලර් මෙම තරගයේදී අර්ධ ශතකයක්ද ලබා ගැනීමට සමත් වුනා.
කෙසේ වෙතත් තරගය හාත් පසින්ම වෙනස් වෙන්නට පටන් ගත්තේ, තරගයේ 15 වෙනි පන්දු ඕවරයේදී විජේකුමාර් විශාක් පන්දු යැවීමට කැදවීමත් සමගයි. ඔහු පන්දු යැවූ 15 වෙනි සහ 17 වෙනි ඕවර තුලදී පන්ජාබ් කින්ග්ස් කණ්ඩායම පිලිවෙලින් ලකුණු 10 ක් සහ 12 ක් සදහා සීමා කල ඔහු අවසන් ඕවර පහ තුලදී පන්ජාබ් කින්ග්ස් කණ්ඩායම මුළු ලකුණු සංඛ්‍යාව 50 කට සීමා කරන්නටත් සමත් වුනා.
විචාරකයන් සදහන් කලේ විශාල පීඩනයක් යටතේ බුද්ධිමත් පන්දු යැවීම සහ දක්ශ පිතිකරණය පන්ජාබ් කින්ග්ස් කණ්ඩායම (PBKS) ජය මාවත කරා ගෙනයන්නට සමත් වුනා. ඒ අනුව ඉදිරියේදීත් තරගාවලිය පුරාම පන්ජාබ් කින්ග්ස් කණ්ඩායම සුවිශේෂි දක්ෂතා දක්වනු ඇති බ්ව බොහෝ දෙනෙකුගේ මතයයි.
